A/L 2001 MCQ – வினா 01 - விடையும் விளக்கமும்

eV (இலத்திரன்-வோல்ற்று) என்பது

1. (1) வலுவின் அலகு
2. (2) சக்தியின் அலகு
3. (3) மின்னேற்றத்தின் அலகு
4. (4) வோல்ற்றளவின் அலகு
5. (5) அழுத்த வித்தியாசத்தின் அலகு
6.  

சரியான விடை: (2)

விளக்கம்

இலத்திரன்-வோல்ற்று என்பது சக்தியின் அலகாகும். இது ஜூல் (J) இற்கு சமானமானது.

இங்கு இலத்திரன் (e) ஆனது ஏற்றத்தின் பருமனையும், வோல்ற்று (V) ஆனது அழுத்த வேறுபாட்டையும் குறிக்கின்றது.

F = Eq எனும் சமன்பாட்டை கருதுக.

E மின்புலச்செறிவு உள்ள இடத்தில் உள்ள q எனும் ஏற்றத்தில் தாக்கும் விசையை மேலுள்ள சமன்பாடு தருகின்றது.

இரண்டு புள்ளிகளுக்கு இடையிலுள்ள
அழுத்த வேறுபாடு (V) = மின்புலச்செறிவு (E) x புள்ளிகளுக்கு இடைப்பட்ட தூரம் (d)
ஆகும்.

இதிலிருந்து, E = V / d ஆகும்.

எனவே, F = (V/d) x q ஆகும்.
இதிலிருந்து, F x d = V x q

F x d ஆனது ஏற்றத்தை ஒரு புள்ளியில் இருந்து இன்னொரு புள்ளிக்கு நகர்த்த செய்யப்பட்ட வேலையைத் தரும். எனவே, V x q ஆனது செய்யப்பட்ட வேலையின் அலகைக் கொண்டிருக்கும். அதாவது சக்தியின் அலகை கொண்டிருக்கும்.

---

வலு என்பது அலகு நேரத்தில் செய்யப்பட்ட வேலை ஆகும். இதன் அலகு J s^-1 ஆகும்.

மின்னேற்றத்தின் அலகு கூலோம் ஆகும்.

வோல்ற்றளவு மற்றும் அழுத்த வித்தியாசம் என்பவற்றின் அலகு வோல்ற்று (V) ஆகும்.